கடலின் உள்ளங்கையில் நிமிர்ந்து நிற்கும் வானம்

அந்தக் கடலின் மீது நிமிர்ந்து நிற்கிறது எனதுயிர்

நாங்கள்
உங்களைப்போல் மாறவேண்டுமென
வற்புறுத்தாதீர்கள்
உங்களது ஏமாற்றங்களை
ருசிக்க

எனதுயிர்
அந்தக் கடலின் மீது நிமிர்ந்து நிற்கிறது

எண்ணெய் படிந்த கையைத்
துடைப்பதற்கு
அவரவர்க்கு அவரவர் வானம்

பின்முதுகில் எறும்பு கடிக்கிறதா??
நன்று

கடலின் உள்ளங்கையில் நிமிர்ந்து நிற்கிறது என் வானம்