Wednesday, July 22, 2009

அரேபிய ராசாக்கள் II



மண்டையோட்டில் குழவிகூடு
நெற்றியில் பல்லிபடுக்கை
காதுகளில் தேனீக்கள்
தொண்டைகுழியில் மண்புழுக்கள்
மூக்குதுளையில் முதலைகள்
வயிற்றில் பாம்புபொந்து
கைநிறைய மணலள்ளி
கண்ணிலெரிந்து உலுப்பும்
வெறுமை கனவு ..

நடுராத்திரி தலைபிடித்து
உலகமே இருண்டதாய்
விரக்தியில் விரல்கள்மடக்கி
சுவரிலிரண்டு குத்து குத்தி ..

மனைவி மனதிலும்
மக(ள்)ன் புகைபடத்திலும்
தொலைபேசியில் காதலித்து
கழிவறையில் காமம் துப்பி
இளமையை பாலைக்கு விற்று
பணம் மட்டும் உண்டாக்கிகொண்டு
நாளையொருநாள் நாடுதிரும்புவோம்


வாய்நிறைய புன்னகையுடன்
வரவேற்க தயாராயிருங்கள் .

2 comments:

mudivili said...

arumai.. nanbaa............

arabiya kaatukkul vanavaasam pona sagothararkalin mana nilayai kavithai azhagaaga eduthu solkirathu............

ஆறுமுகம் முருகேசன் said...

mm.. thank you da..