வம்படியாக
ரயில் காமித்துத் தருவதாக
கூட்டிப்போன அப்பாவிடம்
ரயில் வாங்கித் தரச்சொல்லிக் குறுகுறுப்பூட்டிய
நினைவென
புதியதாய் அருவிக்குத்
தலை காமித்த சிறுமியின் மனமென
நண்பன் சுபாஸ்உடன்
விலாங்குமீன் பிடித்துப் பொறித்து ருசித்த நள்ளிரவென
இன்னும் இன்னும் சில அந்தரங்கங்களையும்..
இப்படி இப்படி எது ஏதோ ஞாபகத்தில் துள்ளுகிறது
எனக்கு
ஒரு நீண்ட உரையாடலின் முடிவில்
"என்னை இழந்தால் நாடுஇழந்த மகாராணியாம் அவள்"
என்று சன்னமான குரலில் புன்னகைத்துவிட்டு
மார் நிறைய முத்த காய்ச்சலோடு
செல்கிறாள் ஆராதனா
No comments:
Post a Comment