வேண்டுகோளுக்கு இணங்க

1. இயேசுபிரானே...

மரித்த மூன்றாம் நாள்

உயிர் மீண்டுவிட்டார்

பாவத்தின் ரட்சகன் !

உங்கள் பாவங்களுக்கு

என்னை மூழ்கடியுங்கள்

உயிர்த்தெழவெல்லாம் மாட்டேன்

***

2. முட்டாள் பிதா அழுகிறார்

கருணையும் பாவமும்

சமத்தராசில்

தொங்கும் நடைமுறையில்

குழந்தையைப் புணர்கிறார்களாம்

ஆஃபாயில் உடைந்ததற்கு

தள்ளுவண்டிக்காரனைச் செருப்பால் அடிக்கிறார்களாம்

இயந்திரத்தின் பழுதிற்கு

முதலாளி

“தேவிடியாப் பயல்களே“ என்கிறானாம்

கூலிகளை

ஏன் அழுகிறாய் பரமபிதாவே ??

***

3. ஸ்தோத்திரம்

தூய ஆலயத்தில்

மெழுகுவர்த்தியை

ஒவ்வொருவராக 

ஒவ்வொருவராக 

ஒவ்வொருவராக வந்து ஏற்றிக்கொண்டிருக்கிறார்கள்

வால்சன் பாதிரியார் அமர்ந்துவிட்டார்

மன்னிப்புக் கூண்டிற்கு

உன்னைத்தான் அனுப்பவேண்டும்

முதல் ஆளாக

எம் புனிதனே

***