அரேபிய ராசாக்கள் 12..

கூழாங்கற்கள் தடாகத்தில்
பிறிதொரு கால்களை யோசித்ததாக
குனிந்து முள்ளெடுத்து அதையோரமாய்
விட்டுச்செல்கின்றதொரு கை!

தொலை பயணங்களுக்கு..
காரணங்களென்னவாக யிருக்கமென்ற
யாசிப்பிலொரு கை
எதையோ விட்டுச்செல்வதாய்
நீள்கிறது இலக்கின்றி என் கணம் !

ஒருவன் வண்ணம் தெளிக்கின்றான்,
இன்னுமொருவன் அதை பற்றிக்கொள்கின்றான்,
இப்படியாகத்தான் சுழற்சியில் வாழ்வு..!


நன்றி வார்ப்பு..

தனிமை விழுங்கும் தோல்வி.!

"யாருமில்லா இடமொன்றில்
ஓவென்று அழுவதாய்" 
தொடங்கும் பாடலொன்றிலிருந்து
நைசாக நழுவுவதென
வேகமாக வந்துவிடுகிறார்கள்..

நெடுநேரம் பேசுகிறார்கள்,
நட்பின் கை கொண்டு
காதலின் தோள் பற்றியேறி
காமத்தின் கதவு முன்நின்று
ஏனோ உள்செல்ல தயங்கி
மௌனமாக திரும்பி விடுகிறார்கள்.!

பின்னொரு நாள்
சம்மதமேதுமில்லாத
நம்பிக்கை மனிதர்கள்
நைசாக தட்டிவிடுகின்றனர், 
ஒலிக்கத்துவங்குகிறது..
"யாருமில்லா இடமொன்றிலென துவங்கும் பாடலொன்று.."  


http://www.vaarppu.com/view/2133/ 
நன்றி வார்ப்பு..