***

தெருமுக்குப் பைத்தியக்காரக் கிழவனை
ஞாபகப்படுத்தும்
கவிதையை
நான் எழுதவே போவதில்லை.

***

வண்ணத்துப்பூச்சியின்
பகலொன்றில்
சிலுவையின் பாரமென இலைமீது பனித்துளி

***

வெள்ளி முளைத்த சாயும் அந்திவானில்
மீனென அலையும்
பறவை அவள் இமைகளுக்கடியில்
மழைக்குப் பிறகு
கூரையிலிருந்துச் சொட்டும்
துளிகளென நான்

***

வருத்தப்படாதே மகனே

பிதா நானிருக்கிறேன்

அடித்தொண்டையிலிருந்து எம்பிக் குதிக்கிறது  

ஒரு பெண்ணின் குரல் 

***

துப்பாக்கியை நீட்டிக்கொண்டேயிரு நீ

ரவை நான்தான் தரவேண்டும்

நீ உன் துப்பாக்கியை நீட்டிக்கொண்டேயிரு 

***

இந்த சிறகு பறக்கிறது
ஆம்
நான் எங்கே

***

தாமதமாக வந்திறங்கிய ப்ரேதம்
மனுஷ உடல்

***

ஒவ்வொரு துளி நதியிலும்
ஒவ்வொரு துளிக்
கடல்

*******

நீயற்ற நானெனும் திடலில்
யாதுமாகி வழிகிறது
ஞாபகத் துயிர்

* 

...................

தழுவல்..
வியர்த்தல்..
வியத்தல்..
முறைப்படி..

மற்றபடி.. 
மறைத்தல்..
கலைத்தல்..

விருப்பம்..அல்லது..நிர்பந்தம்..!

...................

நிகழ்ந்து முடிந்தது மரணம்.. 
நட்சத்திரங்களில்லா வானம்
அழுக்கு!

எவருக்கும் புரிவதில்லை
அவளுக்கு மட்டும் புரிவதேயில்லை.. 

...................

அன்பின் ஆதாரங்களைத் திரட்டுதலில்,
கவனக் குறைவின் முரட்டுத்தனத்தில்..
பிய்ந்த எறும்பொன்றின் தலை, 
மிகத்தெளிவாய்..

...................

ஜன்னல்கள் திறக்கப்படுகிறது..
முன்னமே மழை தூறுகிறது..
அவள் வருவாளா !!

ஜன்னல்கள் அடைத்துக்கொள்ளப்படுகிறது..
மழை நின்றுவிட்டது..
வந்தவள் அவள் இல்லை !!

...................

துண்டு வானமும் ..
சிமிட்டும் மீன்களும்..
இளைப்பாறும் கடலும்..
தனிமையின் இசையும்..