Saturday, March 23, 2013
Friday, March 22, 2013
தொடர்ந்த முத்தம் ஒரு வதை
கேவல்கள் கூடிச் சிதறும் கண்கள்
கொத்தி உமிழும் கணம்
பிரிந்து செல்தல் வாதை
தொடர்ந்த முத்தம் ஒரு வதை
இந்தக் குளிர் காற்று
ஏன் இவ்வளவு வெயிலில் மிதக்கிறது
சுண்டல்காரப் பையன்
கல கலவெனச் சிரிப்புருளும் தர்ப்பூசணி யுவதி
என்ன வித்தியாசம்?
தெரிக்குது
நாயி..
நாய்யி..
ஓரமா போயித்தொலைடா
( 7.15 PM )
ஷங்கர் கொஞ்சம் நேரத்த வரேன்னார்
இப்பலாம் வர வர ஜாஸ்தி சிக்கடிக்க ஆரம்பிச்சுடுச்சு
ஆபாயில்னா அதுக்கு உயிர்
ம்,
ஒரேயொரு முத்தம்..
ம்
.......
.......
தொடர்ந்த முத்தம் ஒரு வதை
***
நினைவு தப்பியக் கோமாளி
விமானம் பறக்கும் ஒவ்வொரு முறையும்
மயானத்தில்அணைகிறது
எங்களுக்குள் சடலம்
மாதவிடாய் கால
பெண் இருப்பென அடைகிற
மனசு
கூடியவர்கள்
நலம் வாழ்க
மேலும்
புணர்வெல்லாம்
ஆகுமா
புணர்தல்
தோற்றப் புணர்தல் ஒன்றும்
நிச்சயக்கப்பட்ட அழுகைக்கல்ல
இல்லாமை ஆகுக
எறிப்படக்குத் தேடியலைந்த தீபாவளி
மறுதலிப்பிற்கு ஆகாது
அதுவெனவே
நிகழட்டும்
இயல்பு
அன்பைத் தவிர்த்து
அதாகப்பட்டது எதுவாகினும்
கேளுங்கள்
சொல்லப்படமாட்டாது
நன்றி..
உரைக்கப்படாமலிருத்தல்..
பயிலும் நலம்.
பறந்தது
பரந்தது விமானம்
பறக்கும்
பறக்கிறது விமானம்
நில்லாமல் / இல்லாமல் போகுக
இருப்பு(ம்)
சார்ந்தவைகளும்.
Saturday, March 9, 2013
அலைதலின் முற்றுகை
கோவில் மதிற்சுவர் நரகல் மணம் கூசுவதொத்த
மனம் எனது
தவறவிட்ட
பிடித்தே ஆகவேண்டிய தொடர்வண்டியை
மழையும் வெயிலும்
துரத்திக் கொண்டிருக்கிறது
மேல்நோக்கி
கீழிறங்கி
அந்தரத்தில் மிதந்து அலையும்
இறகு ஒன்றினைத் தனதாக்க
நெஞ்சு விம்ம விம்ம
கைகளை நீள.. நீள... நீட்டுகிறேன்
ஓணான் அடிக்கும் குழந்தைகளை
யதேச்சையாய்க் கடக்கிறேன்
தொப்பலென
எனக்கான உனதான தாய்மடியில்
தலை வைத்து சாய்ந்து கொண்டேன்
***
நன்றி நவீன விருட்சம்
இருண்மையின் முதல் துளியிலிருந்து
அதன் சமயம்
கூடு அடையும் பறவை
யாருக்கும் எந்தச் சந்தேகமும் இல்லை
நீ தொடர்வதைத் தொடர்
நன்றி எதுவரை.நெட்
நிறம்
காமத்தைக் கொண்டாடப் பணிக்கிறாய்
எல்லாவுமாய்ச் சிந்திப் போகிறேன்
கண்ணாடிச் சில்லுகளில்
முகம் முகங்களாவதாய் வளர்கிறது
இரவு
நன்றி எதுவரை.நெட்
ஒரு பெருங்கணம்
எடுத்துக்கொள் என நீட்டுகிறாய்
மௌனத்திலிருந்து விடுபட்ட
சிறு புன்னகையை
ரோஜாவின் முட்களிலிருந்து
ஒரு துளி இரத்தம் செய்து
பைத்தியக்காரப் புன்னகையாக்கினேன்
அப்புன்னகையை
பழைய மௌனத்தின் குதிகாலிலிருந்து நடுங்கி
புதிய மௌனத்தின் குறுநெஞ்சின் மேல்
சாய்ந்து விழுகிறது
ஒரு பெருங்கணம்..!
நன்றி எதுவரை.நெட்
Subscribe to:
Posts (Atom)