நிலாவிளக்கும் மௌனஇரவும்..!

மழைநேரத்துக் குடைக்கும்
வெயில்மதிய நேரத்துக் குடைக்கும்

இடையானதொரு மெல்லிய ஊடலாய், 

தயங்கித் தயங்கி.. 

செதிலுரிகிறது வார்த்தைகள்,
பரிசுத்தமான கூடலுக்கு ! 

பிறிதொரு பரிச்சயப் பொழுதில்..
 

நிர்வாணம்
உச்சிமுகர் சொல்லாடலில் தழைக்கும்,
 
இந்நொடிவரை யாதொரு பிசிபிசுப்புமின்றி
மருகி அசைகிறதொரு நிலாவிளக்கு !

தயங்கித் தீர்ந்த கற்பனைக்கடலில்

தங்கமீன்நிற இரு பறவைகளின்
வெட்க மௌனங்களும்
முழுமையாய் இசைக்கத் துவங்க, 

அப்பேரலையின் வெளியெங்கும்
இயல்பானதொரு படுக்கையறைக் காட்சி ! 

எங்கோ ஒரு படுக்கை புணர்ச்சி கழிந்து
புன்னைகையோடு விடுபடலாம். 


நன்றி உயிரோசை..